Kaffipásan býður vinnustofur þar sem mikilvægt samtal fer fram og þekking, reynsla og innsæi þátttakenda leggur grunn að nýsköpun og auknum skilningi. Hjá Kaffipásunni er þekking og reynsla af margskonar aðferðum við vinnustofur, framkvæmd funda og eftirfylgni.

Hvaða reynsla og þekking er til staðar hjá Kaffipásunni?

Ingibjörg Gísladóttir rekur Kaffipásuna og býður fyrirtækjum, stofnunum, skólum og félagasamtökum að undirbúa og lóðsa margskonar umbóta- og hugmyndafundi sem byggja á þátttöku og virku samtali.


Ingibjörg hefur mikla reynslu af mannauðsráðgjöf, veitt ráðgjöf við innleiðingu breytinga, sett upp námskeið og vinnustofur fyrir stjórnendur. Það er niðurstaða hennar að mikil tækifæri liggi í því að stofna til markvissrar og lausnamiðaðrar umræðu meðal starfsmanna því samanlögð þekking, reynsla og innsæi starfsfólks sé almennt meiri en sú þekking sem utanaðkomandi fyrirlesari hafi fram að færa.

Ingibjörg er með Bachelor gráðu í boðskiptafræðum í starfsumhverfi með viðskiptafræði sem aukagrein og Masters gráðu í námi fullorðinna með áherslu á vinnutengda símenntun og starfsþróun og tölvustutt nám. Þá hefur hún sótt áfanga á meistarastigi við Viðskiptadeild og Menntavísindasvið HÍ.

Ingibjörg hefur sótt viðamikla þjálfun á fjölbreyttum fundaaðferðum og teymismarkþjálfun:

  • Open Space Technology, Genuine Contact program, 3 dagar í Amsterdam 2015
  • Whole Person Process Facilitation, Genuine Contact program, 3 dagar Amsterdam 2016
  • Art of Hosting, 3 dagar í Amsterdam 2016
  • Appreciative Inquiry, (verðleikarýni) 5 dagar í Grikklandi 2016.  World Appreciative Inquiry Conference 4 dagar í Nice Frakklandi 2019.
  • Markþjálfunarnám, Coachutbildning SE 2007. Framhaldsnám í markþjálfun 2018-2019.
  • Team Coaching með David Clutterbuck, (Teymismarkþjálfun), 3 dagar í Kaupmannahöfn, 2018 og einn dagur hjá Coach U í Háskólanum í Reykjavík 2017.
  • Gagnvirk og eflandi menntun, 2019. Greining fræðsluþarfa í símenntun, 2018.  Skipulagning og framkvæmd fræðslu fyrir fullorðinna, 2014. Námskeið á meistarastigi við MVS HÍ.
  • Agile og straumlínustjórnun, 2018. Námskeið á meistarastigi Viðskiptadeild HÍ 2018.

Ingibjörg hefur lóðsað margskonar stefnumarkandi þátttökufundi í starfi sem mannauðsráðgjafi á skóla- og frístundasviði Reykjavíkurborgar og fyrir fleiri aðila m.a. á Stefnumörkunarþingi BHM árið 2016. og Sambandsþingi Sambands stjórnendafélaga 2019.

Þá lóðsaði hún þriggja daga heimsráðstefnu Open Space (World Open Space on Open Space, WOSonOS) í Gamla bíó í Reykjavík 22.-24. október 2018.  Þátttakendur voru frá 10 löndum frá Evrópu, Ameríku og Asíu. 

Kaffipásan tók þátt í Gullegginu haustið 2018